Cinema na escola

The Kid  de Charles Chaplin

Comezou a tempada e faino con un clásico magnífico, El Chico(O Neno) de Chaplin. 


Detrás virán outros, sempre acompañados de ficha; tamén sempre con aproveitamento para Ed. para a Cidadanía, e non só para esa materia.

Para usar na clase tamén contamos con esta proposta de actividades, con moitísimas preguntas que facer, ou estoutra. As dúas moi útiles para Educación para a Cidadanía.

1. A TÚA OPINIÓN

Que che pareceu o filme?   Colorea  os  adxectivos     (faino con ceras e sen tapar as palabras) que para ti son axeitados a esta historia e engade, no fondo, polo menos outros dous adxectivos que lle acaian ben.

ADXECTIVOS   para   o   filme  The Kid
Bo	malo
divertido	aburrido
triste	alegre
sensato	disparatado
cómico	tráxico
antigo	actual
dramático

2. Que foi o que máis che gustou a ti deste filme? Argumenta a resposta.

3. Indica dous problemas que trate este filme. Cres que na actualidade aínda se dan estes problemas ou ben son cousa do pasado?

4. Escribe o argumento de “EL Chico”. Acórdate que debes dicir de que vai, destacar o que máis che gustou... mais sen contar como remata. Non te pases de tamaño nin te quedes en dúas frases. Usa puntos e outros signos necesarios.. Ollo! Ao remate, repasa con atención o teu escrito e corrixe o que estea mal.

5. Actividade en papel. Escollemos entre todo o grupo-clase unha imaxe na que aparezan os dous protagonistas e describímola (oralmente e entre todos) e despois, en folio e individualmente, facemos unha descrición escrita, a cal acompañaremos de unha ilustración, feita na sesión de plástica e posteriormente colgaremos no taboleiro de cortiza.

6. Os protagonistas Cubre esta ficha poñendo aos diversos  substantivos comparacións e moitos adxectivos.

		CHARLOT O Vagabundo	THE KID (O NENO)
Aspecto exterior	Cabeza
	Tronco
	Vestimenta
	Com plementos
Maneira de ser

7. A vivenda (A casa de Charlot). Como é? Usa polo menos catro frases para explicárnola.

8. O pai adoptivo do neno. Que intentou nos primeiros momentos despois de atopar o neno? En xeral, cres que fixo de bo pai? Por que o dis?

9. Diferencia entre adopción e acollemento de un meniño. Busca información na rede se a precisas.

10. 

    
    

    The Kid é un filme do 1921. Polo tanto, canto tempo hai que se fixo? Pon datos e resolve con operación.
    

    
    

11. 
    

    Cada nen@ deberá representar coa mímica unha escea vista no filme a escoller por cadaquén.

    
    
    
    Cubre unha ficha técnica do filme. 
    Busca na rede (internet) esta información.

Título (orixinal): ..............................

País:.........................

Duración:.................

Director:..........................
Guionista:.........................

Produtor:........................

Compositor da música (e ano): ............................

Intérpretes principales:

Nome real	Personaxe